Tibebe a rive nan yon mwa
Chak jou k ap pase, paran yo ak tibebe ap konnen youn lòt pi byen. Tibebe a gen bon jan relasyon ak manman l ki se sous sekirite ak lanmou pou li. Li renmen rete nan men manman an pou l gate l. Lè manman an mete tibebe a bò kè l, li tande yon lòt fwa ankò batman sa yo ke li konnen byen deja. Konsa, li sonje sa l te konn santi yo lè l te nan vant manman l. Tout sa yo fè l santi l byen epi an sekirite.
Li renmen tande vwa papa l, epi lè paran yo chante oswa pale dousman, yo montre tibebe a kòman yo renmen l.
Lè l nan bra paran l se yon prèv lanmou, li bezwen sa. Si li santi l toumante oswa si l ap kriye, tibebe ap kalme depi paran l yo pran l nan bra yo pou yo pale avè l, chante oswa pou fe yon ti souke l dousman. Chak tibebe gen yon jan diferan yo reyaji.
Kriye se yon fòm kominikasyon pou tibebe a. Lè w prann tibebe a nan bra w, lè w chache konnen poukisa lap kriye, sa pa bay tibebe a yon movèz abitid pou sa. Yon tibebe ke yo pa okipe lè l ap kriye li gen tandans kriye pi plis. Yon tibebe yo okipe santi li gen yon moun k ap pran swen l, sa fèl pe pi vit.